Mewlûd - Melayê Bateyî

Mewlûd -Mela Huseynê Bateyî

Mewlida Bateyî, di nav civaka Kurdî de wekî kevneşopiyeke gelêrî tê naskirin û di şîn, şahî, dawet, civîn û munasebetên taybet de bi berdewamî tê xwendin. Ev mewlida meşhûr, dor sedsalên 17–18an de ji hêla Mela Huseynê Bateyî ve hatiye nivîsandin û di tarîxa wêjeya Kurdî de cihê xwe yê girîng stendîye. Naveroka Mewlidê bi piranî ji medih, sena, pesin û selewatên li ser Pêxemberê Xwedê Mûhemmed (s) pêk tê. Berî nivîsandina Mewlida Bateyî, di nav Kurdan de bi piranî Mewlida Îbnul Hecer, ku bi zimanê Erebî bû, dihate xwendin. Lê bi weşandina vê berhemê, mewlida Kurdî bi awayekî fireh di civakê de belav bû. Hetanî roja îro, bi sedhezaran çap û nusxeyên cuda ji hêla weşanxaneyên curbecur ve Mewlida Bateyî hatiye weşandin. Ev xebata nû, ku ji hêla Huseyn Şemrexî ve hatiye amadekirin û ji hêla Weşanxaneya Nûbiharê ve derketiye, bi gelek taybetmendî ji çap û nusxeyên berê cuda dibe. Yekem, ev cara yekem e ku Mewlida Bateyî bi tîpên erebî û latînî bi hev re tê çapkirin. Duyem, mewlidên ku heta niha hatine weşandin, bi piranî li gorî çapa Stenbolê ya sala 1907an hatine amadekirin; lê di vê xebatê de destxetên herî kevn bingeh hatine girtin. Yek ji van destxeta sala 1824an e, ya din jî destxeta Ehmedê kurê Hesen, ku di sala 1854an de hatiye nivîsandin. Herwiha ji bo peyvên Kurdî û biyanî yên ku têgihiştina wan dijwar e, ferhengek taybet hatiye çêkirin û koka wan peyvan jî bi rêz hatine nîşandan. Ev yek jî nirxa xebata akademîk û wêjeyî ya vê çapê zêde dike.   Ji bo hemû berhemên Nûbihar Yayınları vir bitikînin Ji bo hemû berhemên Mela Huseynê Bateyî vir bitikînin