Mişk û Mirov

Mişk û Mirov-John Steinbeck

Sala 1929’an, dema ku li Emerîkayê borsayê top avêt û Hilweşana Mezin a Aborî (Great Depression) rû da, çawa ku hem li Emerîkayê hem jî li cîhanê hevsengiyên dewlemendiyê li bin guhê hev ketin, karesatên mezin jî li jiyanên mirovên biçûk qewimîn. Wan salan, li parêzgeha California ya Emerîkayê, du mirovên bi navê George Milton û Lennie Small, di nava wan şert û mercên dijwar de, ji bo ku xewn û xeyala xwe ya kirrîna pirtikek erd bi cî bînin û derkevin firêqetiyê, pêdivî heye ku hinek pere qezenc bikin. Ji ber vê yekê çewlik bi çewlik digerin û dawiyê, riya wan bi çewlikekê dikeve Geliyê Salinasê, li nêzîkî Soledad a California. George, yekî hûrik, jîr û kone ye; berevajî wî, hevalê wî yê sêwî, bê kes û kûs, Lennie, yekî terrikî û xurt e, lê piçekî hişsivik û dînikî ye û timî derdeseriya George e. Lennie ji mistdana mişkan, kêvrîşkan û her tiştekî nerm hez dike, lewma jî her cara ku zindiyekî mist dide, wî dikuje. Her du heval di rêya xewn û xeyala xwe de, dema ku Lennie di vê çewlika nû de bûka xwediyê çewlikê dikuje, esas vê carê li tehta mezin rast tên… Mişk û Mirov. Novela nivîskarê mezin ê Emerîkan, John Steinbeck (wergirê Xelata Wêjeyê ya Nobelê ya 1962’an), ku di wê de Steinbeck xwe spartiye ezmûnên xwe, çîroka George û Lennie ye — çîroka du belengaz ku li pey xewn û xeyala xwe diçin; çîroka hevaltiyeke diltezîn. Klasîkeke berra, ku ji hingî ku weşandîye bûye yek ji deqên wêjeyî yên herî pirr têne gotûbêjkirin; çîrokeke ku wê xwendevan tu carî ji bîr neke. Bi Kurdiya wergêrê nûhatî, Xalis Xerzan.   Ji bo hemû berhemên Lîs Yayınları vir bitikînin Ji bo hemû berhemên John Steinbeck vir bitikînin