Nobedarê Gulên Kobanê

Nobedarê Gulên Kobanê-Mizgîn Ronak

Nobedarê Toza Gulên Kobanê, romana Mizgîn Ronak e ku li ser şerê Kobanê hatiye nivîsandin. Nivîskar, dînekî Kobanê — ku di dema şerê Kobanê de bajar neterikandibû û heta dawiyê di nava şer de mabû — ji xwe re kiriye leheng, û hemû bûyer û çavdêriyên wan kêliyên şer, ji dev û derûniya wî dînî, ji xwendekaran re ragihand. Bi pênûsa xwe ya xurt, nivîskar rastiya şerê Kobanê, wehşeta çeteyên DAIŞ’ê, lehengî û berxwedana şervanên Kobanê, rastiya civakî û berxwedana kurdan ya li ser sînor, mîna tabloyekê, radixîne ber çavên xwendekaran. Ev tablo carinan mirov dikenîne, carinan mirov digirîne, carinan jî dilê mirov tijî êş û jan dike. Pêre pêre hêviya serkevtinê dike aleke rengîn û di baxçeyê azadiya hêviyên mirov de li ba dixe. Ya herî girîng, ev berhem bi psîkolojiya dînekî hatiye nivîsandin. Tevî ku her kêliyek di nava şer de ye û şer dijî, her tişt, her gotin, her tevger, wisa masûm in; wisa mirovane ne, mirov ber bi fikirandina din ve dibe. Mirov dike heyranê dînekî ji aqilan biaqiltir. Ango aqilê Dînê Kobanê, pêşiya hemû kîn û nefretan digire û her tiştî bi masûmbûn û paqijiya mirovbûnê re pêşkêşî civakê dike. Nobedarê Toza Gulên Kobanê — berhemeke ku mirov di yek kêliyê de dixwîne, bi mehan xwe di nav de dibîne û ji hişê dernakeve. Berhemeke hêjayî xwendinê ye, û ji bo her kesê ku dixwaze Kobanê, berxwedan û têkoşîna kurdan bi dil û derûn bibîne, pirtûkekî taybet e.