Pîyê Mi Kemane Cinitêne

Xeylê wext mi ey de nîyada, ey mi de nîyada. Pîye mi domano çarserre yo, destê xo dard we û pê dest mi rê işaret kerd, waşt ke ez şêrî leyê ey. Ez şîya leye, rind ke bîya nêzdî, ez kî çokan ser o nista ro. Mi waşt ke seba ey çîyê bikerî, qet nêbo ke tenê paştî bidî ey. Mi va -Bawo, meterse! Nîyade ez kî nêtersena. Pîyê mi bi çute çimanê girsan, bêveng mi de nîyada û çutê çimî bî çutê çimeyi, alişkan ra rişîyayê cêr. Cîgera mi ci rê jan da. Mi halê pîyê xo yo ke zereyê eşkefte de di, qet xo vîr ra nêkerd. Key ke heyatê mi de çîyode rind bî, zereyê eşkefte de pîyê mi ameyê verê çimanê mi û mi a rindîye ra xeyr nêdî. Ê lajekê tumansipîyî, tersê çimanê ey, heyate mi vurna.