Qîrîneke Bêdeng Rindîxan

Qîrîna ku di sala 1926’an de bi awayekî bêdeng hatibû avêtin, di roja me de jî bi xurtî tê bihîstin. Ev qîrîn êdî ne bêdeng e, lewre bi milyonan kes wê qîrînê diqîrin û li çarnikalê cîhanê olan daye. Kamran Simo Hedilî bi vê romana xwe ya dîrokî xwendevanên xwe dibe çiyayê Mereto û serhildana Mala Eliyê Ûnis (Qewmê Çiyan) ji gelek hêlan ve radixîne ber çavan. Mijar gelek nas tê, lewre kurd di gelek serdeman de ew hîsên ku vê gavê jî jê re ne biyan in jiyane û hê jî dijîn. Lê taybetiya sereke ya vê romanê ew e ku di serhildanê de Rindêxana keça Mihemedê Eliyê Ûnis wek jineke kurd cihê xwe di nav rûpelên dîrokê yên tozgortî de digire.