Rêya Jiyana Min

Rêya Jiyana Min - Eskerê Boyik

Eskerê Boyîk 84 salî ye. Ji 30yî zêdetir pirtûkên wî, bi Kurdî û bi zimanên din, hatine weşandin. Malbata wî, ji ber zilma dewletê, derbasî Ermenistanê bûye. Li Ermenistanê çavê xwe li dinyayê vekiriye; li vir mezin bûye û perwerde dîtiye. Ev 30 sal in tevî malbata xwe li Almanyayê dijî. Jiyana wî, bi zanyar û nivîskarên Kurd wek Erebê Şemo, Qanate Kurdo, Heciyê Cindî, Casimê Celîl, Şekroyê Xudo, Ferîkê Ûsiv, Celîlê Celîl û gelekên din re derbas bûye. Ev nivîskar, ronakbîr û zanyar, yên ku mohra xwe li serdemekê xistine, tev jî bi malbatî ji aliyê Serhedê çûne Ermenistanê. Ji ber vê yekê, ev maqûlên civaka me wek Kurdên Serhedê tên binavkirin. Xew-xiyal û xebatên wan, tev derheqê gelê Kurd û Kurdistanê de bûn. Eskerê Boyîk jî, wek wan tevî, temamiya jiyana xwe diyarî çand û edebiyata gelê xwe kiriye. Di wan bîranînan de tê xuyanê ku umrê xwe çawa bi birîn û bi êşên kûr derbas kiriye. Navê Eskerê Boyîk, bi dereceyek bilind, di dîroka çand û edebiyata gelê Kurd de hatiye nivîsandin. Serpêhatiyên xwe û yên Kurdên Sovyetê; her wiha zanyarîyên xwe yên li ser ola Êzîdiyan, bi berfirehî raberî me dike.   Ji bo hemû berhemên Nûbihar Yayınevi vir bitikînin Ji bo hemû berhemên  Eskerê Boyik vir bitikînin