Seferek Li Nav Kesên Mêrxas Li Kurdistanê

Seferek Li Nav Kesên Mêrxas Li Kurdistanê-Ziya Avcı

Ez hez dikim ku sipasên xwe yên taybetî li beramberê wan yarmetiyan bi xuyakirin bidim, ku di nivîsandina vê kitêbê de piştgirîya min kirin. Di pêşîyê de, sipas ji bo Ehmed Tewfîq, ku insiyatîfgerê vê karê bû, rêkxistinerê geşta min li Kurdistanê bû û wekî rêber û yawerê min heta baregeha Mele Mistefa Barzanî bi min re bû. Her wiha, sipas ji bo “Apoyê Comerd”, ku wekî werger, yawer û rêberê min di yekem xwendina zanyarî li ser dîroka Kurd de roleke girîng lîst. Sipasên min jî ji bo bavê Toma Boa, kahîna bi nav û deng a Dominîkayî, ku jiyana xwe ji bo lêkolîna Kurd terxan kirîye. Wî dewlemendiyeke mezin a zanyarî di warê dîroka Kurd û kelepurê neteweyî yê Kurd de pêşkêşî min kir û her wiha çend beşên girîng ji miswedeya kitêbê xwend. Min gelek ji berhemên wî bikaranîye, bi taybetî kitêba “Kurd: Dîrok, Civak, Edeb û Folklor”. Her wiha, sipas ji bo Şewket Aqreyî, ku yek ji nûnerên Mele Mistefa Barzanî bû di danûstandinên bi hikûmeta Iraqê re. Paşê jî bû yek ji nûnerên Barzanî li derve. Wî xebateke siyasî ya bi qîmet di nivîsandina beşa siyasî ya kitêbê de xist kar. Di dawiyê de, sipas ji bo Celal Talebanî, ku herdu taybetmendiyên serokatîya eskerî û dîplomasî ya doza Kurd di xwe de berhev kiribû û komek rênîşan, tecrûbe û rehberiyên girîng pêşkêşî min kir.   Ji bo hemû berhemên Peywend Yayınları vir bitikînin Ji bo hemû berhemên Ziya Avci vir bitikînin