Serdema Şoreşê: Ewropa 1789–1848

Serdema Şoreşê: Ewropa 1789–1848-Eric Hobsbawm

Ev pirtûk veguhêrîna cîhanê di navbera salên 1789’an û 1848’an de dişopîne. Em vê veguhêrînê wekî “şoreşa dualî” bi nav dikin ku Şoreşa Fransayê ya sala 1789’an û Şoreşa Pîşesazî ya hamedem a Brîtanyayê li xwe digire. Loma ev pirtûk ne dîroka Ewropayê ne, ji ya cîhanê bi tenê digire dest. Her çend bi awayekî sivik be jî, min hewl daye wan welatan di vê serdemê de nîşan bidim ku bandora encamên vê şoreşa dualî li wan bûye. Her wiha dabasa wan welatan nakim ku bandora şoreşê li ser wan kêm bû. Loma xwendewar dê di vê pirtûkê de zanîyariyên ne li ser Japonya, lêbelê li ser Misirê bi dest bixe. Her wiha de li ser Îrlandayê bixwîne bêhtirî Bulgaristanê û li ser Amerîkaya Latîn bêhtirî Afrîkayê. Helbet ev nayê wateyê ku dîroka welat û gelên ku di vê cîldê de hatine pêşxistin, ne balkêş e yan jî ne girîng e wekî ya welatên ku me behsa wan kiriye. Heger nêrîna sereke ya vê pirtûkê ewropî be yan jî bi awayekî zelaltir fransî-brîtanî be, ev yek sebeb ku cîhanê bi kêmî beseke mezîn ji wê di vê serdemê de ji ber bandorên ewropî (lê di koka xwe de bêhtir fransî-brîtanî) dest bi guhertinê kir.