Tefsîra Qur'anê (çapa taybet)

Tefsîra Qur'anê (çapa taybet)-Kamiran Alî Bedirxan

Kamiran Alî Bedirxan, li pey xwe gelek xebatên qedirbilind hiştine. Yek ji wan jî meala Qur’anê ya bi navê Tefsîra Qur’anê ye. Li gora zanyariyên li ber destê me ne, kesê ku ewil meala Qur’ana Pîroz bi zaravayê kurmancî û tîpên latînî amade kiriye, Kamiran Bedirxan e. Lewra wî di navbera salên 1941-1943 de li Suriyeyê di Kovara Hawarê de û li Libnanê di navbera salên 1945-1946 de di Roja Nû de bi tîpên latînî bi navê Tefsîra Qur’anê hin beşên Qur’anê bi kurdî (zaravayê kurmancî) weşandiye.Her çiqas navê vê xebatê Tefsîra Qur’anê be jî, divê bê zanîn ku ev bi te‘bîra me ya îro meal e. Ev meal, ji serê Qur’anê heta dawiya sûreyê En‘amê (Sûreyê Dewara) hatiye weşandin. Ev xebat tam bû xebateke muşterek. Ev 7-8 sal e me hewl dida, heta ku dibe “tefsîr” bê kêmasî were çapkirin. Bi gelek kesên di serî de di meal, tefsîr, ilmên îslamî, destxet û zimên de pispor, me sohbet kir, li wan guhdarî kir û hêdî hêdî dest bi vê xebatê kir.Piştî 79 salan bi çapkirina yekem meala kurdî ku Kamiran Alî Bedirxan, yek ji avakarê girîng ê ziman, kultûr û nasnameya kurdî, em kêfxweş û serbilind in.

  Ji bo hemû berhemên Weşanên Avesta vir bitikînin Ji bo hemû berhemên Kamiran Alî Bedirxan vir bitikînin