Tîr û Armanc

Tîr û Armanc-Remezan Alan

Edebiyata kurdî ya modern, ku ji nîvê yekê yê sedsala bîstan ve dest pê kiriye, di du dehsalên dawî de bi geşedaneke berçav re derbas dibe. Tîr û Armanc hewldanek e ku ji qada Lêkolînên Kurdî (Kurdolojî) ve, ji bo têgihiştina paşxane û dînamîkên heyî yên vê geşedana edebiyata kurdî ya modern, hatîye amadekirin. Di vê koleksiyonê de heşt gotarên rexneyî cih digirin. Ev gotar ji aliyê vekole­rên edebiyata kurdî yên ku li zankoyên hundir û derve dixebitin hatine nivîsandin. Bi nêrîna dîsîplînên rexneya edebî, antropolojî û zimannasiyê, ev gotar li ser pirsên pênaseyî, naverokî û zimanî yên edebiyata kurdî rawestin. Tîr û Armanc, tevî kêmasiyên xwe, dikare wek namzedek ji bo vîtrîna rexneya edebî ya kurdî were dîtin; rexneyeke ku di çend salên dawî de dest pê kirî ye bi nasnameyeke akademîk were naskirin. Hêvî ew e ku ev berhem zemînekê çêbike ji bo pêşketina rexneyeke akademîk; lewma ew teyaqûz û hişyariyê ji naveroka gotarên xwe derdixe holê, ku ev jî yek ji taybetiyên bingehîn yên xwendina akademîk e. Her wiha Tîr û Armanc wek nîşaneyeke çalakiya zimanî jî balkêş e; an jî wek nîşaneya derbasbûna ji xwendina şexsî ya berhemên edebî ber bi rexneyên dûvedirêj û sistematîk yên li ser edebiyata kurdî. Diyar e ku dem, dema rexneyê ye   Ji bo hemû berhemên Peywend Yayınları vir bitikînin Ji bo hemû berhemên Remezan Alan vir bitikînin