Xewna Mêrikên Îranî

Xewna Mêrikên Îranî-Mardîn Îbrahîm

Ev kitêba ku niha li ber destê we ye, ew kitêba ku Ofîlya di wê maweyê de xerîkî nivîsîna wê bû ye. Piştî şeş mehan, Ofîlya hate ba min û agahdar kir ku nivîsîna kitêbê temam kiriye. Lê di wê demê de ji berê lawaztir û bêtaqettir xuya dikir, û rewşa wê diyar bû ku girantir bûye. Berî ku ez daxwazê lê bikim ku kitêbê bide min da ku bixwînim, wê ji çenteyê xwe kitêb derxist û da destê min. Belê, ev kitêba ku hûn ê niha bixwînin, ji aliyê keçikeke bîst û şeş salî, ku nedikarî xeber bide û navê wê Ofîlya bû, hatiye nivîsandin. Divê ev jî bê gotin ku ji wê rojê û pê ve rewşa derûnî ya Ofîlyayê hêdî hêdî xerabtir dibû. Rewş heta wir gihîşt ku em neçar bûn wê bi nexweşiyên aqlî re bişînin nexweşxaneyeke taybet. Ji bo cara dawîn ku min Ofîlya dît, ew li nexweşxaneyekê bû, di menzeleke ne xweş de, û di nav du çavdêrên xwîntehl de hatibû danîn. Çavên wê bi şêweyeke tirsnak zivirîbûn, porê wê tevlihev bû, û ji her demeke din lawaztir xuya dikir. Di hemû hebûna wê de nîşanên şikestina derûnî û qirikbûna hestiyan bi rêz diyar dibûn.   Ji bo hemû berhemên Peywend Yayınları vir bitikînin Ji bo hemû berhemên Mardîn Îbrahîm vir bitikînin