Mela Mehmûdê Bazîdî û Adat û Rusûmatnameê Ekradiye

Mela Mehmûdê Bazîdî û Adat û Rusûmatnameê Ekradiye-Murad Celalî

Di vê xebata vekolînî de bi giştî li ser Mela Mehmûdê Bazîdî, berhemên wî, hevkariya wî ya ligel Kurdolog August Jaba û bi taybetî jî li ser Adat û Rusûmatnameê Tewayifê Ekradiyeyê hatiye sekinîn. Di çarçoveya vê xebatê de, hemû nusxeyên vê pirtûkê bi rêbazeke zanistî hatine muqayesekirin. Mela Mehmûdê Bazîdî ev berhem di navbera salên 1858–1859an de nivîsiye. Bi vê pirtûkê û bi berhemên xwe yên din, ew wekî damezrînerê pexşana Kurdî tê qebûlkirin. Adat û Rusûmatname ji ber mijara xwe ve berhema pir giranbiha ye û di babeta xwe de serekaniyeke tekane tê hesibandin. Ev pirtûk di nav xwe de adet, bawerî, xûy, kevneşopî, xwarin û vexwarin, rabûn û rûniştin, bi kurtasî jî hemû jiyana rojane ya Kurdan dihewîne. Ji vî aliyê ve, ew li ser jiyana civakî ya Kurdan û etnolojiya wan, berhema herî pêşîn e ku bi destê nivîskarekî Kurd hatiye nivîsandin. Di nav pirtûkên musteqil û serbixwe yên Bazîdî de, ev xebat cîhekî taybet digire. Bi rastî jî ev berhema wî ya herî orijînal e. Lewra nivîskar bêyî ku xwe bispêre jêdereke nivîskî, bi awayekî rasterast li ser jiyana Kurdan, bi taybetî jî jiyana Kurdanên koçer, agahiyên kurt, zelal û têrûtijî dide û wan bi awayekî fireh nas dike.   Ji bo hemû berhemên Nûbihar Yayınları vir bitikînin Ji bo hemû berhemên Murad Celalî vir bitikînin