Usûlu’l Fiqhê Kurdî

Usûlu’l Fiqhê Kurdî-M. Raşit Dündar

Divê em bizanibin ku danîna hemû hukmên şerî‘eta Îslamê ji bo mesleheta civakê ye. Zanîn û fêmkirina van meslehetan jî bê qeyde û rêzik pêk nayê. Zanista Usûlu’l-Fiqhê ev qeyde û rêzikan di xwe de dicivîne û wan bi rêz dike. Kesên ku dervayê van rêzikan dest bi tefsîr û danîna hukman bikin, bi van rêzikan re rast dibin ku ew wek asteng li ber wan destdirêjkirinan radiwestin. Ji ber vê yekê dikare were gotin ku parastina hukmên şerî‘eta Îslamê bi rêya zanista Usûlu’l-Fiqhê tê misoger kirin. Zêdetir ji vê jî, Usûlu’l-Fiqh delîl û burhanên hukman diparêze, çavkaniyên orjînal û talî yên wan hukman bi eşkereyî diyar dike û wan li ser bingehên rast ava dike. Ev zanist bingeha delîlkirinê dixe nav çarçoveyeke zanistî û rêzkirî. Bi vê awayî delîlên qewî û jar ji hev cuda dike, hedîsên ku duristbûna wan ne diyar e ji hedîsên piştgirîkirî veqetîne û Îsraîliyat jî ji qada delîlkirinê dûr dixe. Her weha zanista Usûlu’l-Fiqhê, îctihadkirinê li ser muctehid hêsan dike û di bûyerên nû û şertên taze de alîkar dibe ku hukmên guncan werin dîtin. Dîsa ev zanist nahêle ku mirov li gor hewa û hewesa xwe bi ayet û hedîsan bilîze û wan bi şertên xwe bişopîne. Ji ber ku Usûlu’l-Fiqh, ji bo ayet û hedîsan maneyên kifşe û sînordar datîne û rê li ber tefsîra bêpîvan digire.   Ji bo hemû berhemên Peywend Yayınları vir bitikînin Ji bo hemû berhemên M. Raşit Dündar vir bitikînin