Werger Wek Kirineke Çandî

Werger Wek Kirineke Çandî-Ziyattin Yıldırımçakar

Lêkolînên li ser edebiyata kurdî di van salên dawî de bi awayekî fermî li zanîngehan têne domandin. Bêguman, ev karekî pîroz e ku di her beşeke vî zimanî de tez têne amadekirin. Bi vî awayî hêvî heye ku gelek berhemên kurdî ji nedîyarî û wendabûnê were rizgarkirin. Di vê xebata akademîk de em berê xwe da berhema Qewlê Hespê Reş (Qewlê Borê Qer), ku bi çesnê xwe yê edebî wekî xezanameyeke edebiyata kurdî (Kurmancî) ya serdema Îslamî tê qebûlkirin. Her çend ku du navên vê berhemê hene, me di vê xebatê de bi taybetî navê Hespê Reş bi kar anîye. Wekî ku di nav gelê kurd de, li gelek cîyên cuda yên welêt, bi awayên cihêreng hatiye vegotin, ev berhem her weha bi awayekî nivîskî jî di nav ehlê medreseyan de hatiye neqalkirin. Bi rêçikeke akademîk, em li ser vê berhemê û nusxeyên wê rawestînin û encamên ku em gihiştine wan, di dawiya xebatê de hatine nîrxandin. Ji ber ku, li gor zanîna me, heta niha li ser vê berhemê xebatên akademîkên bi vî rengî nehatine kirin, ev xebat xwe bi taybetiyeke nû pêşkêş dike. Ev xezanameya gelêrî, ku ji aliyê gel ve hatiye hilberandin, li gelek deverên welêt hatiye vegotin û bi derbasbûna demê re bûye anonîm.   Ji bo hemû berhemên Peywend Yayınları vir bitikînin Ji bo hemû berhemên Ziyattin Yıldırımçakar vir bitikînin